Të rinjtë e forumit rinor të Partisë Demokratike (FRPD) kanë protestuar sot për sigurinë ushqimore duke gjuajtur me domate godinën e Autoritetit Kombëtar të Ushqimit (AKU).
Protesta e zhvilluar përballë godinës ka patur si qëllim sensibilizimin dhe ngritjen e pakënaqësive ndaj ushqimeve të pakontrolluara që qarkullojnë në tregjet shqiptare.
Disa nga posterat të përdorura nga të rinjtë ishin : “Aku zgjohu”, “Domatet si vipat e bllokut”.
Kujtojmë që javë më parë ministri Blendi Cuçi theksoi se përsa i përket sigurisë ushqimore në vend nuk ka vend për alarm pasi situata është përmirësuar ndjeshëm.
