Gjetja e grupit të gjakut është në të vërtetë mjaft e lehtë. E gjithë ajo që ju duhet janë 3 provëza me 3 reagente të ndryshëm që përmbajnë 3 antitrupa të ndryshme: A, B dhe Rh. Dhe një mostër gjaku, natyrisht.

Hidhni pak gjak në secilën provëz dhe shikoni që përmbajtja grumbullohet. Mbledhja do të thotë se gjaku reagon me të njëjtat antitrupa që ka në vetvete dhe kështu shkencëtarët zbulojnë llojin tonë të gjakut.

Tani që ju e dini se si përcaktohet grupi i gjakut, ne dëshirojmë të ndajmë me ju se si mund të ndikojë kjo në dietën tuaj.

Ideja është se lloji i gjakut është i lidhur ngushtë me aftësinë e trupit tonë për të tretur disa ushqime. Pra, çdo lloj gjaku përcakton një dietë të sugjeruar të veçantë për një person që duhet ta ndjekë për një jetë më të shëndetshme.

Kjo qasje u prezantua nga Dr. Peter J. D’Adamo, pasi ai botoi një libër mbi këtë temë në vitin 1996. Por nuk ka asnjë marrëveshje për faktin nëse funksionon, sepse nuk ka studime që e vërtetojnë këtë teori si të drejtë apo të gabuar.

Grupi A

Për njerëzit me grup gjaku A, sugjerohet një dietë vegjetariane. Thuhet se njerëzit me këtë grup gjaku kanë nivele të ulëta të acidit të stomakut dhe nuk mund të tretin mirë proteinat dhe yndyrnat.

Kjo është arsyeja pse sugjerohet që ata të hanë shumë fruta, perime dhe drithëra. Është e rëndësishme që këto ushqime të jenë sa më të freskëta dhe organike pa ndonjë përbërës të shtuar.

Grupi B

Sipas librit, njerëzit me këtë lloj grupi gjaku konsiderohen si omnivorë, kështu që ata mund të hanë një shumëllojshmëri ushqimesh. Megjithatë, ushqimet si misri, gruri, domatja dhe kikirikët mund të shkaktojnë shtim në peshë, lodhje dhe hipoglikemë.

Një ushqim tjetër që njerëzit me këtë lloj gjaku duhet të shmangin është mishi i pulës. Edhe pse është një mish i ligët, mund të shkaktojë goditje në tru dhe çrregullime imune tek njerëzit me këtë grup gjaku. Është më mirë ta zëvendësoni pulën me mish qengji, dhie ose lepuri.

Grupi AB

Lloji AB është lloji më i rrallë dhe më i ri i gjakut. Ai ka një trashëgimi të përzier nga llojet A dhe B. Njerëzit me këtë grup gjaku kanë acid të ulët stomak si grupi A, por ata gjithashtu kanë mgjashmëri me grupin B për nga ana e konsumimit të mishit.

Vezët, ushqimi i detit dhe zarzavatet me gjethe jeshile janë të mira për njerëzit me këtë lloj  grupi gjaku. Ata gjithashtu këshillohen që të hanë porcione më të vogla më shpesh sepse është më mirë për tretjen e tyre.

Grupi 0

Njerëzit me këtë grup gjaku me sa duket kanë acid të lartë të stomakut dhe kanë një aftësi mjaft të zhvilluar për të tretur si proteinat shtazore ashtu edhe yndyrnat. Kjo është arsyeja pse një dietë e pasur me proteina, me shumë mish me cilësi të mirë, peshk, perime dhe fruta vepron më mirë për ta.

Karbohidratet si drithërat, fasule dhe bishtajoret mund të ruhen lehtësisht si yndyra në sistemin e tyre. Pra, nëse jeni një tip 0, është më mirë t’i shmangni ato.

Tingëllonte mirë në libër, por ç’të themi për jetën e vërtetë? Studimet e kryera në vitin 2014 treguan se njerëzit që ndoqën dietën e sugjeruar kishin përmirësime shëndetësore.

Megjithatë, këto përmirësime u gjetën të jenë të palidhura me grupin e gjakut. Sidoqoftë, të gjitha 4 planet e dietave janë të shëndetshme dhe shoqërohen me një regjim stërvitjeje, mund të kthehen në një mënyrë jetese të shëndetshme dhe të përmirësojnë mirëqenien tuaj të përgjithshme.

Super-shendeti