LIGJET E BIZNESIT
Një sulm i fuqishëm në aplikacionin Whatsapp i ka bërë 1.5 miliardë përdorues e tij që të jenë të rrezikuar nga vjedhja e të dhënave. Të gjithë përdoruesit janë paralajmëruar që të përditësojnë aplikacionin për shkak të një sulmi në të dhënat e tyre.
Sipas një raporti në Financial Times sulmi i lejon hakerët që të kenë akses në celularin tuaj vetëm me anë të një telefonate, nuk ka rëndësi nëse e hapni ose jo. Madje mund të aktivizojnë edhe kamerën e mikrofonin duke parë e dëgjuar çdo gjë bëni e thoni.
Nëse ju nuk keni marrë asnjë telefonatë nga një numër i panjohur apo nuk keni ndonjë telefonatë të humbur, atëherë nuk jeni prekur nga ky lloj virusi. Nëse kjo telefonate iu ka ardhur jeni një i prekur potencial nga virusi dhe duhet të çaktivizoni dhe instaloni sërish aplikacionin tuaj të Whatsapp.
Sulmi ka prekur të gjithë pajisjet Apple, Android, Windows dhe Tizen që kanë të instaluar aplikacionin Whatsapp ose Whatsapp Business. Dyshimet e para janë se sulmi u zhvillua nga firma izraelite e sigurisë NSO Group.
