Si do të vijojë protesta? PD mbledhje urgjente në seli

Partia Demokratike po zhvillon një mbledhje urgjente në selinë e saj. Pjesë e mbledhjes do të jenë anëtarët e kryesisë së partisë, ata të grupit parlamentar dhe Kolegjit të Kryetarëve. Në mbledhje do të merret vendimi sesi do të veprohet në vijim me protestën.

Para nisjes së mbledhjes, kreu i PD-së Lulzim Basha u shpreh para protestuesve i vendosur për të vazhduar qëndresën.

“Beteja do të vazhdojë deri sa t’i japim fund politikës së lidhur me krimin, deri sa ta çlirojmë Tiranën dhe Shqipërinë nga qeveria e lidhur me krimin. Ju jeni protestues, qytetarë, prindër, por ju jeni sot ushtria demokratike, armata e lirisë dhe Europës. Shpresa e vetme që ky vend të bëhet si gjithë Europa”, u shpreh Basha.