Zgjidhja e krizës politike duket shumë e largët edhe pse ka pasur tentativa për t’i afruar palët. Një variant se si mund të dilet nga kjo krizë e thellë e ka dhënë ish-deputeti i Partisë Demokratike, Enkelejd Alibeaj. Në një intervistë në abcnews, Albibeaj ka thënë se largimi i Ramës dhe krijimi i një qeverie teknike do të ishte zgjidhja më e pranueshme për të dalë nga kjo rrugë ku ka hyrë vendi.
Sipas zyrtarit të lartë demokrat nga ky propozim i Opozitës të gjithë dalin të fituar dhe sidomos vendi, pasi evitohen përplasjet dhe skenat e dhunës.
“Rama, jo Kryeministër, qeveri tranzitore neutrale, e paanshme, kujdestare dhe me detyra të përcaktuar që të garantojë zgjedhje të lira dhe të ndershme. Nga kjo fitojmë të gjithë”.
