Shqipja si gjuhë e parë, rivendosen tabelat në Finiq

Tabelat rrugore në Bashkinë e Finiqit tashmë janë rivendosur në gjuhën shqipe. Ato u hoqën dy ditë më parë gjatë një operacioni që u zhvillua natën nga policia dhe Autoriteti Rrugor Shqiptar.

Në këtë aksion sot ndodhej dhe drejtoresha e ARRSH Sonila Qato.

“Kemi ardhur për të dëshmuar faktin se për një kohë shumë të shkurtër të vendosjes së tabelave në aksin Gjirokastër-Sarandë. Tabelat po zëvëndësohen dhe i plotësojnë të gjitha standartet e përcaktuara nga Kodi Rrugor dhe specifikimet etike. Ne do të vijojmë me punën dhe urojmë që deri ditën e enjtë të kemi përfunduar procesin e vendosjen e tabelave. Heqja e tabelave i shërbente sigurisë rrugore,”-tha Qato.

Tabelat në gjuhën greke u vendosën nga bashkia dhe u hoqën nga ARRSH pasi nuk plotësonin kushtet teknike.

Për tabelat ka qarkulluar një debat dhe në media ku shumë zëra ishin kundra tyre pasi gjuha primare ishte gjuha greke dhe më pas ishin të përkthyera në shqip.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern