“Shqipëri, zemër” Eleni Foureira patriote e vërtetë, mbështet Jonida Maliqin në Eurovision

Këngëtarja me origjinë shqiptare Eleni Foureira e cila vjet ka përfaqësuar Qipron në Eurovision me këngën “Fuego” sivjet ka shprehur mbështetjen e saj për Shqipërinë.

Foureira, mbrëmë ka postuar një fotografi të këngëtares Jonida Maliqi gjatë performancës së saj në Eurovision me këngën “Ktheju tokës” duke shkruar:” Shqipëri, zemër”.

Eleni ka treguar anën e vet patriotike, duke mos mbështetur as Qipron dhe as Greqinë ku jeton, por Shqipërinë, origjinën e saj.

Nga ana tjetër dhe Jonida Maliqi i është përgjigjur duke shkruar : “Të dua”.

Mbështetja e Elenit, e cila i vuri ‘flakën’ vjet skenës me ‘Fuego’ është shumë e madhe për Shqipërinë pasi siç dihet, ajo tashmë është një këngëtare e njohur ndërkombëtarisht.