Shpërthen kandidatja e Bindjes: Ca pseudo deputetë që blenë mandatin tani na shesin moral

Fenomeni i blerjes së mandateve i shumë diskutuar në zgjedhjet e kaluara sot është rikthyer edhe një herë në vëmendje. Eshtë kandidatja për kryebashkiake e Vlorës nga radhët e Partisë Bindja Demokratike, Valbona Mezini e cila ka shpërthyer në akuza të ashpra për deputetët e Opozitës që tashmë janë jashtë Parlamentit.

Duke u ndalur tek vendimi i opozitës për të djegur mandatet, Mezini e cilëson pafytyrësi veprimin e ish-deputetëve që po përpiqen që të shesin opozitarizmën, për të nxjerrë sipas saj, lekët e mandateve të blera.

“Seç janë ca pseudo deputet të dorëhequr që zgjidhen qeset për të blerë mandatin, e sot na mbushin mendjen se opozita është pronë që e kanë blerë dhe mund ta shesin opozitarizmen në rastin më të parë që të nxjerrin çfarë shpenzuan. Opozita sot nuk ka emër apo sigël për pazarin e radhës. Opozita sot është çdo shqiptar i vjedhur në 30 vjet, i drobitur nga bashkëpunëtorët që ndërtuan sistemin e falimentuar. Mos u investoni të na mbushni mendjen, të paktën pafytyrësinë kursejuani shqiptareve. Boll Më”, shkruan Mezini.