Shpërndante kokainë në lokal, arrestohet 26-vjeçari nga Elbasani

Policia e Elbasanit ka goditur një rast të shpërndarjes së drogave të forta.

Në pranga u vu shtetasi R.A., 26 vjeç, pasi në një lokal në lagjen ‘Visarion Xhuvani’ shpërndante lëndë narkotike.

Gjatë kontrollit fizik të ushtruar, shërbimet e Policisë i gjetën dhe sekuestruan në cilësinë e provës materiale disa doza lëndë narkotike e dyshuar e llojit kokainë.

Materialet hetimore i kaluan Prokurorisë Elbasan për veprën penale ” Prodhimi dhe shitja e narkotikëve”.