Shiste heroinë në lulishte, arrestohet 36-vjeçari në Tiranë

Policia e Tiranës ka arrestuar një 36-vjeçar me iniciale I.A pasi shiste doza heroine në kryeqytet.

Sipas policisë, në rrugën “Njazi Demi” Tiranë në stolat e një lulishteje, në orët e vona të mbrëmjes, nga forcat “Shqiponja ” u kap dhe u arrestua në flagrancë i riu me katër doza heroinë.

Po kështu nga policia është arrestuar  S.SH. 26 vjeç, banues në Tiranë, i shpallur në kërkim për shitje droge. Në bashkëpunim me dy të tjerë, të cilët janë arrestuar në flagrancë më datë 01.12.2018, ai shpërndante lëndë narkotike kanabis (355 gr) në rrugën “Bego Hoxha”, por në momentin e ndërhyrjes u arratis, ndërsa dy të tjerët u prangosën.