LIGJET E BIZNESIT
Kryeministri i vendit tonë dhe Presidenti i Kosovës Hashim Thaçi kanë zhvilluar një takim paraditen e sotme.
Takimi është zhvilluar në zyrën e kryeministrit Rama, ndërkohë që pas përfundimit Presidenti Thaçi ka treguar nëpërmjet një postimi në Facebook se për çfarë kanë biseduar.
Ai është shprehur se ka biseduar me Edi Ramën për politikën në Kosovë, Shqipëri dhe në mbarë rajonin.
“Si gjithmonë, kënaqësi takimi me kryeministrin Edi Rama. Biseduam për aktualitetet politike në Kosovë, Shqipëri dhe rajon, si dhe për përgatitjet e Kosovës për Samitin e Parisit”, shkruan Thaçi.
Ditën e djeshme në Tiranë u mbajt mbledhja e radhës mes dy qeverive asaj të Shqipërisë dhe Kosovës. Mirëpo si asnjëherë tjetër në këtë takim mungoi Rama dhe Ramush Haradinaj. Duket se përplasjet mes tyre janë thelluar edhe më shumë, që pas samitit të Berlinit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër Haradinaj teksa ndodhet në Shqipëri zhvilloi një takim me Presidentin Ilir Meta. Nga Durrësi ndërsa darkuan mbrëmjen e djeshme, Haradinaj u shpreh se ndajnë qëndrime unike me presidentin Meta.
Duket se çështja e Kosovës dhe Serbisë ka ndarë në dy pjesë Tiranën dhe Prishtinën zyrtare.
