Rama mbledh koordinatorët në PS, ja kush pritet të garojë në Bashkinë e Durrësit

Kryeministri Edi Rama ka zhvilluar një takim me krerët e 12 qarqeve një ditë përpara se të zhvillohet mbledhja e kryesisë së Partisë Socialiste, ku pritet që të zyrtarizohen emrat e 61 kandidatëve për zgjedhjet lokale. Koordinatorët njëri pas tjetrit kanë hyrë në zyrën e Ramës për të diskutuar mbi emrat që do të garojnë nën siglën e PS-së në zgjedhjet e 30 qershorit.

Shqiptarja.com raporton se për bashkinë e Durrësit do të kandidohet një grua dhe mendohet se mund të jetë Milva Ikonomi.

Ndërkohë për Dibrën, Peqinin apo edhe disa bashki të tjera ka ende pikëpyetje. Mësohet se kjo ka qenë arsyeja që Rama është takuar ‘kokë më kokë’ me drejtuesit politik te qarqeve në PS. Të gjithë emrat do të zyrtarizohen ditën e nesërme në Asamblenë e PS.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern