Protesta e opozitës së bashkuar/ Del bilanci i të arrestuarve, ja sa persona janë nën hetim

Policia e Shtetit ka nisur të arrestojë protestuesit që kanë qenë pjesë e protestës së djeshme të opozitës së bashkuar.

Nga protesta që u shoqërua me tensione dhe përplasje të forta deri më tani janë arrestuar 50 persona dhe 40 të tjerë po ndiqen në gjendje të lirë.

Sipas burimeve policore, të arrestuarit dyshohet se kanë ushtruar dhunë dhe kanë prishur qetësinë publike në protestën e katërt kombëtare që zhvilloi opozita një ditë më parë.