Prodhonte dhe shiste akullore jashtë kushteve higjenike në Tiranë, arrestohet 35-vjeçari

Një 35-vjeçar nga Tirana është arrestuar nga policia dhe bashkëpunëtori i tij po hetohet në gjendje të lirë.

Arrestimi i tij ka ndodhur pasi 35-vjeçari me iniciale L.H në bashkëpunim me një 61 –vjeçar prodhonin dhe shisnin akullore në një biznes të papajisur me licensë.

Akullorja prodhohej dhe shitej jashtë kushteve dhe standarteve higjeniko-sanitare.

AKU-ka sekusestruar pajisjet e biznesit, lëndën e parë , ngjyruesin dhe një sasi qumësht pluhuri.

Njoftim i policisë Tiranë

Seksioni për Krimin Ekonomik dhe Financiar në bashkëpunim me Autoritetin Kombëtar të Ushqimit godet një rast të prodhimit të kundërligjshëm të artikujve ushqimorë.

Prodhonin dhe tregtonin në mënyrë të kundërligjshme produktin e akullores jashtë kushteve dhe standardeve higjeno – sanitare, arrestohet një shtetas dhe procedohet në gjendje të lirë një tjetër.

Seksioni për Krimin Ekonomik dhe Financiar në bashkëpunim me Autoritetin Kombëtar të Ushqimit, në vijim të punës për parandalimin, evidentimin dhe goditjen e prodhimit dhe tregtimit të kundërligjshëm  të artikujve ushqimorë, arrestuan në flagrancë shtetasin:

– L. H., 35 vjeç, banues në Tiranë.

Gjithashtu u procedua në gjendje të lirë shtetasi L. H., 61 vjeç, banues në Tiranë.

Këta shtetas të papajisur me licencë për prodhimin e artikujve ushqimorë, në bashkëpunim me njëri-tjetrin, prodhonin dhe tregtonin në mënyrë të kundërligjshme produktin e akullores jashtë kushteve dhe standardeve higjeno-sanitare.

Në cilësinë e provës materiale u sekuestruan:

– Lëndë e parë për prodhimin e akullores

– Dy makineri për prodhimin e akullores

– Ngjyrues boje

– Një sasi e konsiderueshme qumësht pluhur.

Materialet procedurale i kaluan Prokurorisë pranë Gjykatës së Shkallës së Parë Tiranë në ngarkim të shtetasve të lartpërmendur për veprat penale “Prodhimi i kudërligjshëm i artikujve dhe mallrave industrial dhe ushqimorë”, “Fshehja e të ardhurave” dhe “Mospagimi i taksave dhe tatimeve”.