Po ndodh tani, rivihen shkronjat te Teatri Kombëtar

Në godinën e Teatrit Kombëtar në Tiranë janë rivendosur shkronjat identifikuese. Pasi u hoqën disa ditë më parë gjatë natës, shkronjat u rivendosën siç ishin më parë nga grupi i aktivistëve që protestojnë prej më shumë se një vit për mbrojtën e Teatrit nga shembja që ka planifikuar Bashkia Tiranë dhe qeveria.

Me donacionet e tyre simbolike u arrit që të krijohet fondi i nevojshëm për t’i rivendosur këto shkronja në godinën e Teatrit Kombëtar.

Por edhe gjatë këtij akti simbolik nuk mungoi përplasja me policinë. Të pranishëm në rivendosjen e gërmave të Teatrit ishin edhe disa ish-deputetë të Partisë Demokratike.