LIGJET E BIZNESIT
Ish-deputeti, Eduart Ndocaj ka publikuar një video në profilin e tij në Facebook ku i drejtohet kandidatit për bashkinë e Lezhës, Pjerin Ndreut.
Në një fjalim të gjatë prej më shumë se gjysmë ore Ndocaj shprehet se ende vlen oferta e tij prej 50 mijë eurosh nëse dikush i sjell një video ku Ndreu implikohet në vjedhje votash.
Eduard Ndocaj thotë më tej se Ndreu nuk duhet ta shajë më personalisht por vetëm nga ana politike.
Kandidati për bashkinë e llezhës, e konsideron rivalin e tij Pjerin Ndreu si një ‘rricë të ngulur në prapanicën e Ramës dhe një servil të tij’.
Në fund të videos, Ndocaj premton se me anë të videos ai do ta fusë Pjerin Ndreun në burg.
Pjesë nga fjala e Ndocajt
Mirëdita të dashur miq, ju përshëndes të gjithëve! Siç e dini fushata ka filluar tani dhe mungojnë vetëm pak ditë që të jetë e ligjshme. Pavarësisht se Partia Socialistenuk ndalet asnjë second. Dëgjova këtë kandidatin Ndreu në një emision mbrëmë që përdori fjalë ofenduese personale dhe jo politike.
Doja vetëm që t’i tregoj diçka sepse se kam ofenduar kurre.
I kam thënë je servil, kjo është e vërtetë, është servili i Ramës. I kam thënë je hajdut edhe kjo është e vërtetë pasi nga polic u bë miliarder. Nuk bëhesh dot i pasur me rrogë shteti. I kam thënë je mashtrues edhe kjo e vërtete dhe mund ta vërtetoj.
Shikoni çfarë premtimi ka bërë ky zotëria në Kamëz,”- dëgjohet të thotë Ndocaj dhe më pas nxjerr një video ku Ndreu gjatë fushatës zotohet për përfundimin e legalizimeve brenda mandatit të parë..
“Ky mirë që nuk mbajti premtimin, por u shembi dhe shtëpitë, siç janë shembur dhe vazhdojnë të shemben, në Bulevard, Astir, Unazë, etj.
Për këtë arsye, unë me Pjerinin kemi këtë problem sepse ai është mashtrues. Edhe në Pukë ka mashtruar edhe atje s’e do njeri. Në Kamzë s’e lë njeri të hyje dhe tani mashtron Lezhën prej dy vitesh.
Është në pushtet sepse është servil I Ramës. Po ta shihni Ramën nga prapanica do të shikoni se Ndreu është i ngulur si rricën, aq i madh është servilizmi.
Për Lezhën s’ka bërë asnjë lloj investimi. Aty s’ka energji elektrike, s;ka kanalizime. Ky thot kam investuar kaq miliarda lekë, por në fakt i ka vjedhur.
S’po flas për fytyrë, pasi ky ka qindra maska, vë një maskë dhe del. Nuk e ka problem mashtrimin.
Ofendimin personal, Pjerin, duhet ta evitosh. Po flasim për politikë. Unë me ty s’kam asnjë problem dhe as familja ime. S’kam pse të kem probleme sepse s’më ke ngrënë lakrat.
Problemi im me ty është se ti do me ardh me vjedh në Lezhë. Në 2017-n i mashtrove lezhjanët. The se do të bëje investime por nuk solle cent në Lezhë. More vetëm 13 mln euro që t’i dha Rama për fushatë.
Ti je një ushunjëz e Lezhës, burokrat i rëndomtë, servilizmi ka qenë suksesi yt më I madh.
Kontributi yt ka qenë mashtrimi, trafiku dhe prostitucioni. Polic ke për të ngel gjithë jetën.
Mund të gjej mijëra fjalë që m’i kanë thënë se çfarë je ti, por jo sepse ti je i rëndomtë.
Ti ke blerë drejtësinë se je akuzuar për pasaportat e vjedhura. Një prej tyre më ka takuar ta kem unë rastësisht. Askush nuk kishte, kishte vetëm Lezha ku ishe ti drejtor policie. Ishte njëfarë Kastrioti që më dha mundësinë ta blija 500 mijë lekë. Ajo pasaportë më ka hapur 1000 probleme. M’u sekuestrua pasaporta, u futa nëpër gjyqe dhe e fitova sepse isha I ndershëm.
E kisha marrë në komisariatin që drejtoje ti dhe drejtësia italiane s’më dënoi sepse e di shumë mirë që politikanët janë të poshtër, kurse qytetarët të ndershëm.
Nuk e di pse të ka sjellë Rama në Lezhë. Dua të falënderoj fshatrat që të kanë përzënë me shkelma.
Nuk duan një hije si puna jote dhe lezhjanët nuk do të bien pre e një individi që s’ka asnjë lidhje me këtë qytet. Ti je djall dhe vazhdon ta demonstrosh. Trafiqet më të mëdha po bëhen në Lezhë falë teje.
