Plane për fundjavën? Ja surprizat që ka rezervuar moti

Moti aspak i zakontë në këtë maj ka bërë që çdo ditë plani të jetë ndryshëm në varësi të kushteve atmosferike. Edhe për këtë fundjavë moti sërish nuk ka për të qenë tipik për muajin dhe stinën që po afron.

Sipas Meteoalb, për ditën e shtunë, moti do të jetë  kthjellime dhe vranësira  mesatare të cilat në mesditë do të pasohen nga reshje shiu në formën e stuhive të izoluara. Era do të  jetë me drejtim  Veriperëndim me shpejtësi 8 m/sek në bregdet. Valëzimi  i forcës 4 me lartësi vale 1,0–1,5 metër në det të hapur. Temperaturat do të jenë me rritje.

Temperaturat min dhe max:

Zonat  malore   8/19°C

Zonat e  ulëta  10/26°C

E ngjashme situata sinoptike paraqitet edhe për ditën e dielë, me një përmirësim të lehtë në drejtim të ngritjes së temperaturave dhe ndalimin e reshjeve të shiut.