LIGJET E BIZNESIT
Kreu i OMONIAS, njëherësh kandidat potencial për bashkinë e Himarës, Fredi Bejleri ka folur për herë të parë pas marrjes rreth 3 orë në pyetje nga prokurori Eugen Beci te Krimet e Rënda.
I pyetur nga gazetarja e Top Channel Anila Hoxha teksa dilte nga Prokuroria, pasi u mor në pyetje, Bejleri është shprehur se i gjithë procesi bëhet për të hedhur baltë mbi figurën e tij për shkak të angazhimit politik.
Ai ka përsëritur alibinë e tij në lidhje me pjesëmarrjen në masakrën e Peshkëpisë, duke thënë se në atë periudhë ai ka qenë në Qipro, por nuk iu përgjigj pyetjes se përse ishte thirrur nga policia dhe me pas ishte lënë i lirë për këtë çështje në ato vite.
“Erdha në Prokurori që të mbarojë baltosja dhe poshtërimi i figurës time për një çështje që nuk kam asnjë lidhje. Në ditën dhe në muajin që është bërë veprimi unë kam qenë në Qipro. Autoritetet greke dhe ato shqiptare kanë prova për për të ndaluar të më lodhin dhe për të poshtëruar figurën time dhe të hedhin baltë mbi figurën time për veprimet e mia politike”, ka thënë Fredi Bejleri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
