Pjesë e sulmit ndaj ambasadorit Borchardt/ Kush është i riu aktivist që nuk dorëzohet përpara ndërkombëtarëve

Një tjetër i ri që mori pjesë në shkrimin e parrullës “Shame on you” pranë banesës së ambasadorit të OSBE, është Frenkli Prengaj.

Prengaj është aktivist i partisë Lëvizja Socialiste për Integrim, ku në rrjete sociale bien në sy dhe fotot e tij me kryetaren Monika Kryemadhi.

I riu ka qënë gjithashtu dhe pjesë e protestave studentore të dhjetorit 2018 dhe nuk kanë munguar dhe fjalimet e tij publike.

Pas shoqërimit para pak ditësh të studentes Ana Azizaj, Prengaj shprehet se mban anën e Anës.

STATUSI I PLOTE I FRENKLI PRENGAJ

Isha me Anën, do te jem me Anën. Nëse doni të na arrestoni pse mendojmë ndryshe, bëjeni!
Nëse doni të na arrestoni pse mendojmë se ndërkombëtarët nuk janë zota, bëjeni!
Nëse doni të na arrestoni pse themi lirshëm mendimin tonë, bëjeni!
Por nëse doni të na arrestoni se mendoni që kemi frikë, ju lutem mos e bëni! Jo se jemi “trima” , por se jemi në anë të Anës.