Përplasje me armë mes dy familjeve, italiani tenton të vrasë shqiptarin por i plagos bashkëshorten

Një sherr midis dy familjeve italiane dhe shqiptare në shtetin fqinj ka degjeneruar në të shtëna armësh.

Mediat në Itali raportojnë se marrëdhëniet mes dy familjeve ishin tensionuar së shumti kohët e fundit, ndërkohë që në sherrin e fundit janë përdorur dhe armët.

Ngjarja e rëndë ka ndodhur mbrëmjen e së dielës në Prata Goivine, Itali.

Policia italiane bën me dije se burri Italian ka rrëmbyer armën dhe në konflikt e sipër ka tentuar të qëllojë shqiptarin.

Plumbi që ka dalë nga arma ka kapur një tjetër shtetas Italian, duke e plagosur rëndë, ndërkohë që në krah është plagosur gruaja e shqiptarit.

Një familje tjetër ka ndërhyrë në konflikt duke lajmëruar kështu forcat e policisë.

Të plagosurit, identiteti i të cilëve nuk bëhet i ditur, janë transportuar në spital.

Gruaja e shqiptarit është jashtë rrezikut për jetën, ndërsa italiani tjetër sipas mjekëve është në gjendje të rëndë shëndetësore.