Mynyr Koni është rikthyer tashmë në detyrë si rektor i Universitetit të Tiranës pas tri javësh pezullim.
Gjatë një interviste për televizionin Ora Neës, Koni deklaroi se ka një vlerësim maksimal për presidentin Ilir Meta, pasi sipas tij ai ka mbajtur një qëndrim shtetari.
Gjithashtu Mynyr Koni u shpreh i hapur për bashkëpunim me ministren e Arsimit, Besa Shahini, duke shtuar se është i hapur dhe vazhdimisht për bashkëpunim dhe se nuk cënon asgjë në marrëdhënien e tij me ministren e Arsimit apo çdo strukturë tjetër për tu zhvilluar Universiteti i Tiranës.
“Dekretin e presidentit dhe relacionin shpjegues të tij e vlerësoj maksimalisht. Një qëndrim shtetari me përmasat e një politikani, i cili e ka treguar gjatë gjithë kohës së tij. Mbrojti dhe siguroi autonominë institucionale dhe garantoi lirinë akademike, të drejtat e fituara nga ana kushtetuese. Kështu që në emrin tim personal, të stafit akademik të studentëve të UT-së e vlerësoj maksimalisht. Nga ana tjetër e garantoj presidentin dhe gjithë strukturat e universitetet që do të punoj në përkushtueshmëri në zbatim të ligjit”, ka thënë Koni.
