Djegia e mandateve të opozitës dhe krijimi i një partie të re brenda të djathtës, duket se ka trazuar goxha ujërat në radhët e demokratëve.
Në pamje të parë, partia “Bindja Demokratike” e Astrit Patozit, ende nuk ka dhënë një impakt në publik, por ia ka dalë që të prishë ekuilibrat në PD.
Portalet e djathta sulmojnë Patozin apo eksponentë të cilët e mbështesin atë, ndërkohë që e njëjta gjë ndodh edhe nga mbështetësit e Patozit në politikë dhe media.
Partia e re, ka prishur edhe miqësi.
Flamur Noka, ish-ministër i Brendshëm, i njohur për miqësinë e tij me Astrit Patozin, i doli drejtëpërdrejtë kundër, dhe tha se partia e tij i shërben Ramës.
Erla Mëhilli, zëdhënëse e ish-kryeministrit Sali Berisha, dhe bashkëshorti i saj, Eltis Kruja, njihen për miqësinë e tyre me Patozin dhe ish-ministrin demokrat, Sokol Olldashi. Nga ana tjetër, Berisha e ka shprehur hapur qëndrimin e tij kundër Patozit dhe partisë që ka krijuar.
Në këtë situatë, një reagim i padeshifrueshëm vjen nga Mëhilli. Mbrëmjen e djeshme, ajo ka shpërndarë në rrjetet sociale një ndjesi “pështire”.
Pas këtij postimi nuk kanë munguar zërat që e kanë lidhur këtë reagim me çështjen “Patozi” dhe emrat që i kanë dalë kundër këtij të fundit.
Por deri më tani, e gjitha është një teori hamendësimi… presim të sqarohet në të ardhmen e afërt nga vetë Mëhilli, se kush ka qenë personi apo çështja që e ka bërë të ndjejë “pështirë”.
Dosja.al
