Paralajmërimi i Ramës: Kush pengon zgjedhjet i mohohet viza për në SHBA dhe BE

Kryeministri Rama në takimin e tij me kandidatët për kryetarë bashkie në zgjedhjet e ardhshme lokale ka bërë edhe një apel për të gjithë ata që do të përpiqen të pengojnë zgjedhjet.

Sipas Ramës për të gjithë ata që do të tentojnë ta pengojnë procesin zgjedhor, jo vetëm që do të ketë penaltitete brenda vendit, por edhe nga vendet partnere. Kryeministri tha se të gjithë ata që do të tentojnë t’i bllokojnë zgjedhjet nuk do të mund të futen dot më në SHBA ose BE.

“Kush i afrohet një qendre votimi me mendje të keqe, djeg veten dhe jo zgjedhjet. Është e rëndësishme të informohen njerëzit se çfarë parashikon kodi penal për individin që prek zgjedhjet. Kjo mund të të fusë në listën e zezë të të dënuarve për krime zgjedhore, të cilëve do t’u hiqet përgjithmonë e drejta e futjes në Shtetet e Bashkuara apo në Bashkimin Europian. Nuk dua kurrë që një shqiptar i zakonshëm t’ia shohë këtë qeder”, deklaroi Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern