Kryetari i Partisë së Pensionistëve, Selami Jenishehri, është deputeti më i ri, i cili ka bërë betimin në Kuvend.
Ai tregoi mbrëmë në emisionin Të paekspozuarit se ka biseduar me Lulzim Bashën dhe i ka kërkuar që Voltana Ademin t’i ndërtojë selinë e partisë, në mënyrë që ai të digjte mandatin.
Duke qenë se, Basha ka dhënë përgjigje negative, Jenishehri e pranoi mandatin dhe sot është deputet i Kuvendit të Shqipërisë, në moshën 77 vjeçare. Edhe pse kishte një dënim gjykate për mashtrim në vitet 2000, kjo nuk e ka penguar KQZ-në ti japë mandatin Jenishehrit.
“Luli na thirri të gjithëve. Ai më propozoi të digjia mandatin. Na solli një deklaratë. Unë i thashë do ta djeg mandatin, por kam një rregull, duhet të pyes kryesinë.
I kam thënë gjithashtu, nuk e coj këtë letër, nëse Voltana Ademi, nuk më ndërton selinë e partisë time, që e ka shkatërruar me buldozer. Luli më kishte thënë do bisedoj me Ademin dhe nuk e mbajti fjalën.
Kur vjen puna, Basha më merr në telefon dhe më thotë nuk e rregullojmë dot me kryetaren e bashkisë. I thashe kur ta bësh ti, unë djeg mandatin.
I thashë po shkoj në parlament, kur të bindësh kryetaren e Bashkisë, edhe unë e djeg mandatin”.
