Nis tubimi para Drejtorisë së Policisë, paralajmëron Salianji: Protestat do të radikalizohen

Ditën e sotme ka nisur protesta përpara Drejtorisë së Policisë së Tiranës që ishte paralajmëruar dje.

Përkrahësit e opozitës kërkojnë lirimin e protestuesve që janë arrestuar një ditë më parë nga policia.

I pranishëm është dhe ish-deputeti i PD Ervin Salianji i cili është shprehur sot se protestat e opozitës janë demokratike dhe nuk kanë qenë në proporcion më dhunën që ka ushtruar policia dje ndaj protestuesve.

Salianji ka paralajmëruar në një prononcim për mediat se këto protesta do të vinë duke u radikalizuar.

“Të gjithë protestat tona janë demokratike, dhe e djeshme ishte protestë demokratike dhe jo në proporcion me dhunën e ushtruar nga policia. 
Por protestat do të vijnë duke u radikaluzuar sepse nuk mund të lejojmë instalimin e një diktature në vitin 2019”, ka thënë Salianji.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern