Mori dekoratën nga Xhelal Mziu, shkarkohet drejtoresha ‘rilindase’ e arsimit

Kryebashkiaku demokrat i Bashkisë së Kamzës Xhelal Mziu ka dekoruar disa ditë më parë Drejtoreshën Arsimore të Kamzës Ermioni Cekani.

Kryebashkiaku i Kamzës i ka dhënë titullin ‘Mirënjohje qyteti’, drejtoreshës së ardhur nga radhët e Partisë Socialiste.

Mirëpo, gjatë ditës së sotme, Newsbomb.al mëson se Ermioni Çekani është shkarkuar nga posti i Drejtoreshës Arsimore të Kamzës. Arsyet nuk dihen ende, por mendohet se mund të ketë lidhje me këtë titull të marrë.

Kujtojmë që Cekani është emëruar ‘për kontributin e veçantë dhe ndërtimin e marrëdhënieve të shkëlqyera ndërinstitucionale në funksion të masivizimit dhe rritjes cilësore të Arsimit Parauniversitar në Bashkinë Kamëz’.