Molotov, kapsolla e fishekzjarrë te Drejtoria e Policisë. Kërkohet lirimi i Sahit Dollapit

Protestuesit janë zhvendosur përpara Drejtorisë së Policisë së Tiranës për të kërkuar lirimin e Sait Dollapit. Sekretari Organizativ i Partisë Demokratike, Dollapi u godit para parlamentit nga Policia dhe u shoqërua në komisariat. Përpara Drejtorisë së Policisë së Tiranës kanë mbërritur edhe kreu i opozitës, Lulzim Basha.

Protestuesit kanë hedhur mjete të tjera piroteknike, fishekzjarrë, molotov etj. Policia ka hedhur gaz lotsjellës për të shpërndarë protestuesit që vazhdojnë të qëndrojnë tek policia.
Kreu i PD-së Lulzim Basha tha se Sait Dollapi është dhunuar dhe ndaluar me urdhër të kryeministrit Edi Rama dhe ministrit të Brendshëm Sandër Lleshaj, duke kërkuar lirimin e tij.