Meta pret shpresat për dialog mes palëve, mesazh ambasadorëve: Nuk mund të ul në tavolinë dy tre njerëz që…

Presidenti Ilir Meta sot gjatë konferencës për sfidat e sigurisë, ka prerë shpresat për të ulur në tavolinë palet duke thënë se njëra nuk kërkon të ulet me kryeminisrin dhe tjetra trupeton zgjedhje demokratike.

Me këto fjalë ai i referohet Lulzim Bashës me Monika Kryemadhin dhe kryeministrit Edi Rama.

Kështu ai i ka dërguar dhe një mesazh të fortë diplomatëve dhe ambasadorëve duke thënë se duhet ta kenë të qartë se kushtetuta e vendit nuk shkelet.

‘Ne duhet t’i bëjmë të qartë kujdo se kushtetutën tonë nuk mund ta shkelim, kushdo qoftë, as presidenti që ka vënë dorën mbi kushtetutë, asnjë diplomat, asnë ambasador, askush tjetër.

I kam thënë zotit Danielson, ne jemi në një situatë të tillë, kemi kaq kohë pa gjykatë Kushtetuese. Unë nuk di c’përgjigje të jap kur do kemi gjykatë kushtetuese, prandaj i kam thënë sillni një komision vlerësimi të reformës në mënyrë që të garantojmë që ky është një sukses, se përmes reformës do jemi më të besueshëm.

Unë dëgjoj ca histori që thonë: Ç’a bën Presidenti i republikë? Presidenti ka bërë dhe bën maksimumin me përgjegjësinë e tij duke respektuar Kushtetutën. Presidenti nuk mund të ulë në tavolinë dy tre njerëz që thonë ne nuk ulemi me këtë se është kryeministër apo dikë tjetër që thotë se 30 qershori do jetë ditë e madhe për demokracinë në këtë situatë që jemi. Kjo situatë kërkon përgjegjësi, paaanësi dhe kërkon të kemi parasysh se nuk na ndikon në perspektivën që kemi’, u shpreh me tone revolte Meta.