Mesazhi i fortë i Presidentit Ukrainas : Mos mbani foton time në zyra, mbani portretin e fëmijëve tuaj

Një mesazh i fortë ka ardhur nga Presidenti i Ukrainës, i zgjedhur prej pak kohësh në krye të këtij shteti.

Vladimir Zelensky, ish-komediani tashmë i zgjedhur President, i ka bërë thirrje të gjithë zyrtarëve të mos vendosin në mur portretin e tij , por atë të fëmijëve të tyre.

Ai shprehet se do te jetë më mirë që të varin portretet e fëmijëve në mënyrë që kur të marrin një vendim ti shohin ata në sy.

 “Vërtetë nuk dua që fotografitë e mia të jenë në zyrat tuaja. Ju lutem, mos e vendosni portretin tim, sepse presidenti nuk është një ikonë, nuk është idhull. Vendosni fotografitë e fëmijëve tuaj në zyrat tuaja dhe i shihni ata në sy përpara se të merrni ndonjë vendim”, tha Zelensky.