Megaoperacioni antidrogë në Itali, prangoset 35-vjeçari shqiptar

16 kilogram marihuanë, një armë, gati gjashtë kg kokainë dhe mbi 120 mijë euro, ky është bilanci i një megaoperacionit të policisë së Ravenës në Itali. Ky operacion çoi në arrestimin e dy personave, një 35 vjeçar dhe një 24-vjeçar shqiptar, kushërinj midis tyre.

Shaqiptari tashmë ishte dëbuar nga Italia, por u kthye me një dokument të vlefshëm pasi ndryshoi mbiemrin e tij pas martesës me një grua shqiptare. Policët, pasi ai u rikthye në zonë, dyshuan dhe  e kontrolluan atë për disa javë dhe më pas e ndalën bashkë me kushëririn e tij teksa udhëtonin me një Alfa Romeo të martën.

Ata kishin rreth 3.000 euro në makinë, për të cilat nuk ishin në gjendje të shpjegonin origjinën.

Më pas, policia vazhdoi me kërkimin e dy shtëpive në Bagnacavallo, duke gjetur 20,000 euro dhe 16 kilogram marihuanë të ndarë në çanta. Surprizë ishte kontrolli i mëtejshëm i makinës.