Një rrjet ndërkombëtar i trafikut të drogës, pjesë e të cilit ishin edhe disa shqiptarë është goditur në Gjermani këtë të mërkurë.
Bëhet me dije se falë këtij megaoperacioni janë sekuestruar 220 kg marijuanë, sasia më e madhe e kapur në 10 vitet e fundit në Gjermani. Meidet gjermane bëjnë me dije se nëse kjo sasi drogë do të hidhej në treg do të kapte vlerën e 2.2 milion euro.
Falë këtij operacioni gjithashtu u sekuestruan edhe 35,000 euro para të gatshme, një makinë dhe një kamion. Në pranga kanë rënë 7 persona të cilët janë me origjinë shqiptare, gjermane, turke dhe spanjolle. Sipas zyrës së prokurorit publik të Drezdenit, në fund të prillit u kontrolluan gjithsej pesë apartamente në Leipzig dhe Berlin, një depo në Centralen Brandenburg. Mësohet se anëtarët e rrjetit të vënë ditën e sotme në pranga kanë qenë nën vëzhgim që nga viti 2018.
