Mbështjellë me flamurin kuq e zi, arkivoli me trupin e major Klodian Tanushit përcillet për në banesën e fundit

Ka dalë nga ambientet e Muzeut Historik Kombëtar, arkivoli i major Klodian Tanushit.

Pas ceremonisë shtetërore të mbajtur në nder të tij, arkëmorti do të përcillet për në “Varrezat e Dëshmorëve” ku do të prehet trupi i tij i pajetë.

Major Klodian Tanushi u plagos më 6 maj në Letoni nga shpërthimi i një mine në kampin Adazi në Letoni.

Ai ndodhej aty në një mision ushtarak që prej dhjetorit të vitit 2018.

Majori Klodian Tanushi ishte 38 vjeç, I martuar dhe la pas tre fëmijë , dy djem dhe një vajzë.

Nga shpërthimi i minës më 6 maj përveç Klodian Tanushit, humbi jetën edhe nëntetarja Zarife Hasanaj si dhe u plagos nëntetari Julian Kapaj.