Fenomeni i grabitjeve është shfaqur sërish në qytetin e Korçës mbrëmjen e kësaj të hënë.
A2CNN bën me dije se persona të armatosur e të maskuar kanë kryer grabitje në një banesë mbrëmjen e së hënës në fshatin Çiflig të Korçës.
Bëhet me dije se dy personat e maskuar janë futur në banesë, ku të pranishëm kanë qenë edhe familjarët.
Momentalisht nuk ka shumë detaje në lidhje me sasinë e parave të grabitura, ndërsa policia ka mbërritur në vendin e ngjarjes dhe po punon për identifikimin e autorëve.
