Jonida Maliqi ka elektrizuar edhe një herë skenën e eurovizionit me performancën e saj të këngës, “Ktheju Tokës”. Jonida ishte e dyta në këtë finale dhe ka ngritur në këmbë të gjithë publikun që këndoi pas saj refrenin e këngës.
Vokali i këngëtares shqiptare edhe në finale ishte në lartësinë e duhur dhe ka marrë komente pozitive edhe nga mediet ndërkombëtare. Performanca e Jonidës u shoqërua dhe nga një skenografi e shkëlqyer.
Ngjyrat kuqezi dominuan në pjesën më të madhe të interpretimit dhe në kohën e refrenit, Jonida Maliqi u rrethua nga një zjarr.
