LIGJET E BIZNESIT
Zëvendëskryeministri i Kinës Liu He tha se Shtetet e Bashkuara të Amerikës duhet të heqin të gjitha tarifat shtesë para se të arrihet një marrëveshje tregtare.
Deklarata ka ardhur pas përfundimit të negociatave tregtare, të cilat u mbyllën pa një rezultat konkret mes dy ekonomive më të mëdha të botës.
Numri dy i ekzekutivit kinez tha se Shtetet e Bashkuara duhet të vendosin objektiva për blerjet e mallrave kineze në përputhje me kërkesën reale, duke shtuar ndër të tjera se teksti i një marrëveshjeje të mundshme duhet të jetë i balancuar për të siguruar drejtësi për të dy vendet.
Sipas tij, palët do të takohen sërish në Pekin për të vazhduar më tej bisedimet për heqjen e tarifave, shkruan a2cnn.
Shtetet e Bashkuara përshkallëzuan mosmarrëveshjet tregtare me Kinën të premten duke rritur tarifat doganore për rreth 200 miliardë dollarë produkte kineze.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
