‘Loja me gjoba’ e AKU në kurriz të shëndetit të qytetarëve shqiptarë

AKU me anë të një njoftimi të shpërndarë për mediet këtë të hënë bëri me dije se bllokoi një sasi të madhe vaji palme dhe qumështi pluhur në një fabrikë në qytetin e Divjakës. Në konstatimin e AKU vihej re se kishte parregullsi në dokumentacionet që kjo fabrikë dorëzonte në autoritet tatimore

Si masë për të ndëshkuar kompaninë “Rend & Blend” sh.p.k ishin gjobat dhe bllokimi i lëndëve të para. “Gjatë kontrollit të faturave tatimore u konstatua blerje e produktit vaj palme për periudhën Shkurt-Prill 2019 në sasinë prej 31,250 kg. Nga verifikimi i dokumentacionit të sistemit të gjurmueshmërisë, subjekti justifikon vetëm përdorimin e sasisë prej 6,660 kg, ka gjendje lëndë të parë në magazinë 3,500 kg dhe nuk justifikon përdorimin e pjesës tjetër prej 21,090 kg vaj palme.”-thotë AKU.

Po me produktet e nxjerra në treg, që kanë përmbajte të larta të këtyre dy lëndëve çfarë do të ndodhë? Nuk bëhet e ditur nga njoftimi i AKU se sa është sasia e produkteve të nxjerra në treg nga kjo kompani që përmbajnë doza të larta të vajit të palmës dhe të qumështit pluhur. Gjithashtu mbetet e paqartë se për sa kohë kjo kompani ka bërë shkeljet për të cilët sot u gjobit nga AKU.

Për këtë ngjarje që pa dashje zbulohet nga vetë AKU, drejtori Agron Hetoja duhet të dalë me një qëndrim dhe të mbajë përgjegjësinë që i takon, pasi bëhet fjalë për jetën e qytetarëve. Hatoja është në drejtimin e AKU prej pak më shumë se 3 muaj, kur u largua nga KESH dhe në këto muaj kanë ndodhur skandalet më të mëdha sa i përket sigurisë ushqimore. Përmendim këtu rastin e supermarketit Conad, denoncimet në emisionet Top Story dhe Fiks Fare si një sërë denoncimesh nga qytetarë të thjeshtë që ankohen për cilësinë e produkteve që blejnë çdo ditë në dyqane.

Votoni në sondazhin e Fast News Albania nëse drejtori i AKU duhet të largohet: