LIGJET E BIZNESIT
Sapo ka filluar protesta e katërt e Opozitës këtë të shtunë. Nga të gjitha qytetet e Shqipërisë kanë mbërritur protestuesit në kryeqytet, të cilët dalëngadalë po mblidhen në bulevardin “Dëshmorët e Kombit”.
Këto minuta kanë filluar të mbushet edhe sheshi para selisë së Partisë Demokratike me militantë që presin daljen e liderit demokrat, Lulzim Basha. Mësohet se Basha disa prej tyre i ka pritur duke bërë foto dhe më pas është futur në zyrë, ku po jep dhe instruksionet e fundit para fillimit të protestës.
Sakaq gjithë bulevardi në këto momente është mbushur nga protestuesit. Pjesa më e madhe e tyre për momentin janë duke u mbledhur para kryeministrisë, aty ku është vendosur dhe podiumi, ku do të flasë kryetari i PD-së, Lulzim Basha.
Mësohet se opozitarët kanë kërkuar leje deri në mesnatë për të protestuar, ndërsa Policia e Tiranës, ka dhënë leje për të protestuar deri në orën 20:30.
