LIGJET E BIZNESIT
Partia Demokratike bashkë me aleatët e saj, LSI dhe të gjitha partitë e vogla nuk do të marrin pjesë në zgjedhjet e ardhshme lokale të 30 qershorit. Ky është vendimi që liderët e Opozitës kanë artikuluar dhe mbrojtur deri më tani.
Por një lëvizje e befasishme ka ardhur këtë të enjte. Më anë të një njoftimi për mediet, sekretari i Përgjithshëm i PD-së, Gazment Bardhi ka deklaruar se PD dhe LSI do të çojnë anëtarët e tyre në Komisionet Zonale të Administrimit të Zgjedhjeve edhe pse nuk do të garojnë në zgjedhje. Sipas Bardhit ky vendim vjen me qëllim faktimin dhe dokumentin e të gjitha shkeljeve që po bëhen në këtë proces, pasi sipas tij ato kanë filluar tashmë.
“Partia Demokratike dhe Lëvizja Socialiste për Integrim kanë informacion zyrtar se në KZAZ janë duke u kryer manipulime të rënda të procesit zgjedhor, që nis me regjistrim të paligjshëm të kandidatëve për kryetar bashkie. Për këtë arsye, për të dokumentuar dhe çmontuar këtë paligjshmëri, PD dhe LSI, mund të shfrytëzojnë ligjin, për të dërguar anëtarët që i takojnë në KZAZ për të provuar ligjërisht që Edi Rama nuk garanton zgjedhje legjitime, edhe kur nuk ka kundërshtarë përballë. Në ditët në vijim do të faktojmë të gjitha paligjshmëritë e kryera nga përfaqësuesit e Edi Ramës gjatë procesit”, deklaron Bardhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
