Kush është kandidati i pavarur që sfidon PS-në në Berat?

Siç po shkon situata politike deri në këto momente, në zgjedhjet e ardhshme lokale, më 30 qershor do të kemi në garë vetëm kandidatët e PS, që në disa qytete do të sfidohen nga Bindja Demokratike, Koalicioni “Shpresa për Ndryshim” dhe në disa bashki nga kandidatë të pavarur.

Pikërisht një i tillë i ka dalë në Bashkinë e Beratit që t’i mbledhë firmat e nevojshme. Plarent Aleksi është emri që do të përballet me Ervin Demon e PS në zgjedhjet e  30 qershorit.

I futur në këtë garë si një kandidat i pavarur pa asnjë parti, Aleksi ka njoftuar se ai ia doli që të mbledhë firmat e nevojshme për t’u regjistruar në KQZ përballë kandidatit socialist. Aktualisht bashkia e Beratit drejtohet nga Petrit Sinaj i LSI dhe pritet të jetë një garë shumë interesante edhe pse me dy pjesëmarrës dhe pa pjesëmarrjen e PD-së,

Plarent Aleksi është një i ri i shkolluar jashtë vendit, që platformën e tij për qytetin e Beratit e ka shpalosur fillimisht në rrjetet sociale.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern