Dy ditë më parë kandidati që do të garonte nën siglën e Bindjes Demokratike Salvador Kacaj ka dhënë dorëheqjen nga marrja pjesë në zgjedhje.
Ai u shpreh se arsyeja që hoqi dorë nga gara është se nuk pranon të jetë fasadë e përpjekjes për të kthyer në Shqipëri një regjim partiak të lidhur me krimin.
Pas tërheqjes nuk ka munguar edhe reagimi i kryetarit të ‘Bindjes’ Astrit Patozi i cili ka shkruar, po në Facebook se në garë qëndrojnë ata që kanë këllqe.
Por në rrjet ka qarkulluar një foto ditët e fundit, ku në të shfaqet ish-kryeministri Sali Berisha Salvador Kaçaj, Agron Gjekmarkaj dhe kryetari i PD së Laçit, Behar Haxhiu.
Kjo foto është shkrepur në zyrën e Berishës e cila hedh dyshimet se Kaçaj mund të jetë konsultuar për vendimin me ish-kryeministrin, në prani të dy miqve të tij, analistit Agron Gjekmarkaj dhe Haxhiut, pasi menjëherë erdhi edhe vendimi i tij pë tërheqjen nga gara.
Theksojmë se Salvador Kaçaj ka qenë kryetar i Bashkisë së Shëngjinit për të djathtën dhe ka lidhje të vjetra dhe të forta me PD, jo vetëm politike por edhe familjare. Kaçaj rrjedh nga një familje e persekutuar gjatë komunizmit.
