Kryemadhi: Qytetarët nuk e njohin frikën, aq sa e kanë ekzagjeruar

Monika Kryemadhi në një takim me të rinjtë e LRI në Tirana ka thënë se tashmë populli nuk e njeh më frikën. Sipas kryetares së LSI qytetarët në dy protestat e fundit të Opozitës e kanë vrarë frikën. Por ajo tha se me reagimet e tyre në këto protesta e kanë ekzagjeruar pak.

“Protestat e opozitës, qytetarët nuk e njohin frikën, aq sa e kanë ekzagjeruar. Qëllimi kryesor është të tregojmë bindjen tonë. Kemi dhënë votën për ligjin e arsimit të lartë, ne dështuam në bërjen e Shqipërisë. Ju  japim forcën dhe kurajën që të bëni Shqipërinë që ju e meritoni. E them këtë me bindje të plotë”, tha Kryemadhi.