Kryemadhi në SHBA takime me Kongresmenë dhe Senatorë

Kryetarja e Lëvizjes Socialiste për Integrim Monika Kryemadhi ndodhet në Uashington në një vizitë pune, e ftuar në Mbledhjen Vjetore të “US Association of Former Members of Congress”.

Sot në ditën e dytë të mbledhjes vjetore dhe ditën e parë të vizitës, Kryemadhi mori pjesë në raportimin në sallën e Kongresit ku të pranishëm kanë qenë Kongresmenë, Senatorë dhe ish anëtarë te Kongresit Amerikan, me të cilët Kryetarja e LSI shkëmbeu opinionet mbi situatën në Shqipëri dhe në rajon.

Gjatë sesionit, Kryetarja e LSI-së zhvilloi një takim me liderin e grupimit Republikan në Kongresin Amerikan Z. Kevin McCarthy.

Në këtë aktivitet merrnin pjesë dhe përfaqësues nga Presheva.