Kryemadhi komenton listën e Ramës për kryebashkiakët

Kryetarja e LSI-së, Monika Kryemadhi ka komentuar listën e Partisë Socialiste për kryetarët e bashkive që do të garojnë në zgjedhjet e 30 qershorit. Sipas saj, lista është tregues i qartë se Edi Rama do të shtyjë zgjedhjet.

“Kur e pashë listën, mendova se Rama po punon për të shtyrë zgjedhjet. Po bën blofin me opozitën se do të ketë zgjedhje. Por jam e bindur se zgjedhje nuk do të ketë. Cdo protestë ka ardhur duke u shtuar. Edhe pse protesta e 13 prillit ka qenë një protestë me kushte të papërshtatshme atmosferike, shqiptarët ishim më shumë se në protestën e marsit.

Sot janë dyfish më shumë se protesta e fundit. Kjo më jep shpresë se njerëzit janë sensibilizuar dhe nuk janë dakord me qeverisjen e Ramës, e kanë kuptuar se duhet të reagojnë për të ndryshuar realitetin”, deklaroi Kryemadhi.

Kryetarja e LSI-së ka pasur një mesazh edhe për Policinë e Shtetit. “Kam një mesazh për policët, që me rrogat minimale duhet të konfrontohen me qytetarët, iu jap mesazh qytetarëve të mos konfrontohen me policët.

Një mesazh kam për drejtuesit e policisë që kanë ushtruar presion dhe kanë kërcënuar. Po e kthejnë në personale dhe përgjigjen nga qytetarët do e kenë personale”, deklaroi Kryemadhi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern