LIGJET E BIZNESIT
Kryetarja e Lëvizjes Socialiste për Integrim, Monika Kryemadhi ka reaguar në lidhje me dhunën e ushtruar në drejtim funksionarëve të lartë të PD-së, Sait Dollapi dhe Albana Vokshi. Përmes një postimi në rrjetet sociale, Vokshi e cilëson ngjarjen si dhunë shtazarake dhe të shëmtuar.
“Përgjegjësit dhe ushtruesit e kësaj dhune shtetërore, me frymëzimin dhe nën urdhrat e Edi Ramës dhe bandës së tij, do të mbajë përgjegjësi deri në fund.”- shkruan Kryemadhi ndër të tjera.
Gjithashtu Monika Kryemadhi shton se asnjë lloj forme e përdorur nga qeveria nuk do mund të mposhtë qëndresën e qytetarëve për zgjedhje të lira dhe të ndershme.
Më poshtë postimi i plotë:
Dhuna shtazarake e përdorur ndaj sekretarit organizativ të PD z. Sait Dollapi dhe znj. Albana Vokshi tregon qartë frikën dhe tmerrin që ka zënë këtë qeveri të inkriminuar. Asnjë deklaratë e blerë apo e sponsorizuar me paratë e drogës nuk e mbulon dot këtë krim që po ushtrohet ndaj çdo qytetari të Tiranes, pjesmarrës në protestë apo jo.
Përgjegjësit dhe ushtruesit e kësaj dhune shtetërore, me frymëzimin dhe nën urdhërat e Edi Ramës dhe bandës së tij, do të mbajë përgjegjësi deri në fund.
As dhuna fizike, as gazi helmues, as deklaratat e sponsorizuara në mbrojtje të saj nuk mund të mposhtë qëndresën e qytetarëve për zgjedhje të lira dhe të ndershme. Për një Shqipëri demokratike dhe evropiane.
Asnjë hap pas!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
