LIGJET E BIZNESIT
Presidenti i vendit, Ilir Meta ishte në Skrapar nga ku ka bërë apel politikës shqiptarë për zgjedhjen sa më të shpejtë të krizës. Meta ka thënë se kriza aktuale po ndikon për keq në ekonominë e vendit. Sipas kreut të shtetit sektori që po e ndjen më shumë pasojat e kësaj krize është turizmi, ku tashmë i kemi marrë refuzimet e para nga agjencitë ndërkombëtare.
Sipas presidentit Meta, ato që do e ndjejnë menjëherë këtë krizë do të jenë familjet shqiptare që përfitojnë nga argotizmi në fshatra.
“Me urimin për një sezon të mbarë e të suksesshëm turistik, jam i bindur se Skrapari, falë atraksioneve të jashtëzakonshme që ofron, mikpritjen, traditat e kulinarin e veçantë, shumë shpejt do të jetë një nga destinacionet më të rëndësishme turistike në të gjithë rajonin! Por për fat të keq, kriza politike ku ndodhet vendi, po sjell pasoja tepër të rënda edhe në ekonomi. Efektet e para kanë filluar të ndihen në turizëm dhe operatorët e cilësojnë situatën dramatike. Edhe për këtë arsye ia vlen të reflektohet urgjentisht, përndryshe do të goditet rëndë turizmi dhe gjithë familjet shqiptare që mbështesin mirëqenien e tyre në këtë sektor kyç të ekonomisë tonë”, tha Meta.
