Kreu i FRPD me tone paqësore nga protesta: Është koha të diskutojmë me ide e platforma

Kryetari FRPD, Belind Këlliçi ka folur për news24 gjatë momenteve kur protestuesit po grumbulloheshin para kryeministrisë.

Këlliçi ndryshe nga herët e tjera ka folur me tone shumë të qetë, duke bërë apel nga sheshi para kryeministrisë për të diskutuar për ide dhe platforma.

“Kjo betejë nuk bëhet për kompromis por për të ardhmen e vendit. Do të zgjasë deri në plotësimin e kushtit, zgjedhje të lira e të ndershme. Ramës i ka mbaruar koha, ka ardhur momenti të kemi garë të ndershme elektorale. Koha të diskutojmë me ide e platforma. Kjo betejë bëhet për të gjithë shqiptarët, bëhet për të ardhmen e vendit. Përsa kohë nuk do të ketë vendim për zgjedhje të lira, protestat nuk do të kenë asnjë hap pas. Është një kusht që sjell më pranë Shqipërinë me Europën. Në momentin që do arrijmë këto standarde do jemi më pranë Europës. Rinia shqiptare thërret ‘Duam Shqipërinë si Europa’ është momenti për ta bërë realitet. “ përfundoi Këlliçi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern