Është zbuluar identiteti i 27-vjecarit që mbeti i plagosur si pasojë e konfliktit me armë zjarri në Sauk të Tiranës.
Policia bën me dije se i plagosuri është Ervis Murati, i cili ndodhet jashtë rrezikut për jetën.
Ngjarja ndodhi sot në mëngjes në parkingun e një hoteli, përballë godinës së Akademisë së Policisë.
Mësohet gjithashtu se autori i plagosjes së Ervis Muratit është shtetasi N.N student i Akademisë së Policisë.
Konflikti midis dy të rinjve ka ardhur si pasojë e një grindjeje të castit dhe nuk dihet saktësisht përse ka ndodhur.
NJOFTIMI I POLICISE
Tiranë/Informacion paraprak
Në afërsi të një parkingu të një hoteli në Sauk, gjatë një konflikti të çastit për motive ende të paqarta, shtetasi N.N dyshohet se ka plagosur me armë zjarri jashtë rrezikut për jetën shtetasin E.M.,27 vjeç, banues në Tiranë .
Grupi hetimor ka shkuar në vendngjarje dhe po punon për zbardhjen e rrethanave tê ngjarjes.
Shërbimet e Policisë po krehin zonën dhe kanë ngritur pika kontrolli për kapjen e autorit i cili është shpallur menjëherë në kërkim policor.
