Kompania abuzoi me shpenzimet, shembet tuneli në rrugën e Arbrit

Odiseja e Rrugës së Arbrit duket se nuk do të përfundojë kurrë. Pas shtyrjesh të pafundme të afatit të përfundimit të punimeve, duket se do të na duhet shumë më tepër për ta parë të përfunduar këtë rrugë shumë të rëndësishme për vendin.

Këtë herë vonesa do të jetë shumë e gjatë, pasi njëri nga tunelet që po ndërtohen përgjatë kësaj rrugë është shembur. Disa foto të sigurua nga Dosja.al tregojnë atë që ka ndodhur në njërin prej tuneleve të rrugës së Arbrit.

Mësohet se kompania e cila ka marrë koncesionin për të ndërtuar këtë rrugë, nuk i ka respektuar të gjitha kushtet teknike gjatë ndërtimit të tunelit. Nuk është bërë investimi në nivelin e duhur për të garantuar cilësinë dhe jetëgjatësinë e tij.

Nëse një ngjarje e tillë ndodh, me tunelin e papërfunduar, mund të imagjinohet se çfarë do të ndodhte pas 10 apo 15 vitesh, kur ky tunel të ishte futur në punë.