Komisioneri europian tregon çfarë do të bëhet nëse kërkohet rikthimi i vizave për Shqipërinë

Çështja e rikthimit të sistemit të vizave për Shqipërinë është rikthyer të diskutohet në muajt e fundit pas rezolutës që miratoi parlamenti holandez.

Për këtë temë ka folur edhe komisioneri  Dimitris Avramopoulos gjatë takimit në Tiranë për inaugurimin e misionit të Frontex në vendin tonë.

Për Avramopulos deri më tani nuk ardhur asnjë lloj kërkesë në KE ende dhe nëse do të ndodhë që të vijë ndonjë ditë, ajo do të shqyrtohet me shumë kujdes dhe përgjegjshmëri.

“Ne nuk bëjmë komente për atë që vendoset në nivelin e vendeve anëtare, por për derisa thelbi kryesor ka të bëjë me mekanizimin për pezullimin e vizave, që ka interes të madh për ju, më lejoni t’u them se Komisioni nuk ka marrë asnjë njoftim që kërkon pezullimin e vizave. Për asnjë vend në Europë që përfiton. Nëse mund të ndodhë në të ardhmen, më besoni se do të bëjmë një analizë të kujdesshme nëse një veprim i tillë do të duhet të merret apo jo në përputhje me procedurat dhe informacionin që ka të bëjë me rrethanat specifike të një vendi X”—tha komisioneri.