Kolegët nderojnë efektiven e vrarë Zarife Hasanaj, mbahet ceremonia në Letoni

Një ditë pas vdekjes së efektives së Forcave të Armatosura Zafire Hasanaj gjatë një misioni të NATO-s në Letoni, është mbajtur ceremonia e nderimit për të.

Mes dhimbjes dhe lotëve, kontigjenti shqiptar në grup-batalionin e NATO-s në Letoni dhe përfaqësuesi ushtarak shqiptar në NATO kanë shprehur nderimet e tyre për efektiven.

Ceremonia për Zarife Hasanajn u mbajt në Camp Adazi në Letoni.

Ditën e sotme u nis drejt Letonisë Task Forca e ngritur me urgjencë nga Ministrja e Mbrojtjes. Task forca bashkë me autoritetet letoneze do të ndjekë hetimin e plotë për ngjarjen e 6 Majit në Camp Adazi në Letoni.

Grupi, në përbërje të të cilit ka përfaqesues nga Agjencia e Inteligjencës dhe Sigurise se Mbrojtjes, Policia Ushtarake dhe Drejtoria e Inspektimit ne MM do të punoje për rrethanat e ngjarjes, mbledhjen e provave etj.

Ndërkohë priten detaje në vazhdim për mbërritjen e trupit të nëntetares Zarife Hasanaj në Shqipëri.